VIONGOZI WA DINI WATAKIWA KUTOHUBIRI CHUKI

VIONGOZI wa dini mbalimbali nchini wametakiwa kutohubiri chuki na badala yake wahubiri amani na utulivu bila kujali mitazamo ya mathehebu tofauti.

 

Katibu wa jimbo Katoriki Morogoro padre Luitfuid Makseyo alisema hayo jana wakati akizungumza na waandishi wa habari katika semina ya viongozi wa dini katika kuchangia amana na utulivu nchini ilioandaliwa na kamati ya Kitaifa ya kuzuia mauaji ya Kimbari, uharifu wa kivita/uharifu dhidi ya binadamu na ubaguzi.

Aidha alisema kuwa kazi kubwa ya viongozi wa dini ni kubawabilisha watu kutoka katika matendo maouvu na kuwa na mioyo safi na hivyo kuepuka matendo ya kiarifu yanayosababisha uvunjifu wa amani.

‘’ Kazi ya viongozi wa dini ni kuhakikisha mwajambazi, wezi, mafisadi na waarifu wa aina zote wanabadilika na kumcha Mungu kupitia maandiko matakatifu’’ Alisema

Naye Nabii Joshua Aram wa kanisa la Sauti ya Uponyaji ya mjini hapa alisema kuna kila sababu kwa viongozi wa dini kuwa na mshikamano  bila kujali mathehebu wanayotoka sambamba na kukaa pamoja kuombea nchi ili izidi kuwa na amani na utulivu.

Alisema kuwa ni kazi ya viongozi wa dini kujenga tabia ya kuwashauri viongozi wa dola katika masuala mbalimbali   muhimu ambayo yatasaidia kudumisha amani ya nchi na maendeleo kwa ujumla.

Kwa upande wake Sheikh Thabit Nouman Jongo kutoka wizara ya katiba na sheria Zanzibar alisema kuwa amani na utulivu ni muhimu katika dini zote kwani ikipotea hakuna mtu anayeweza kuabudu.

Alipongeza Serikali ya Tanzania kwa kutoa uhuru wa kuabudu kwa kila dini kwani pasipokuwa na uhuru wa kuabudu amani haipo.

‘’ hata katika vitabu vya dini  yapo maandiko yanaoelezea amani na utulivu, bila amani uhuru wa kuabudu haupo’’ Alisema.

Awali akifungua semina hiyo mkuu wa wilaya ya Morogoro Said Amanzi alisema kuwa Serikali inaheshimu imani za dini zote na ndio maana imetoa uhuru wa kuabudu bila kujali dini.

Alisema kuwa ni vema madhehebu ya dini kila moja likaheshimu imani ya waumini wengine kwani kufanya hivyo kunajenga amani na utulivu.

Mwenyekiti wa kamati hiyo felista Mushi alisema kuwa Tanzania ni moja ya nchi 12 za maziwa makuu  zilizosaini mkataba wa kimataifa wa hitifaki ya kuzuia mauaji ya Kimbari yaliotokea mwaka 1994 nchini Rwanda na kwamba katika mkataba huo kila nchi ilitakiwa kuunda kamati hizo.

Alisema kuwa lengo la kuwapatia semina viongozi wa dini ni kutokana na kwamba wanagusa imani za watu wengi na kwamba kupitia wao suala la amani likihubiriwa vizuri kamwe haiwezi kupotea na nchi haiwezi kuwa na machafuko ya aina yeyote.