MORONDIYOHOME BLOG

WATU watatu wanaosadikiwa kuwa ni mjambazi wanashikiliwa na jeshi la polisi mkoani Morogoro na wengine watatu  wakitafutwa kwa tuhuma za kumuuwa mlinzi wa kampuni ya ulinzi ya Omega na kumjeruhi mwenzake wakati wakilinda katika ghala la kampuni ya Coca Cola.

 

Kwa mujibu wa kamnada wa Mkoa wa Morogoro Faustine Shilogile alisema kuwa tukio hilo lilitokea Agosti 31 mwaka huu majira ya saa 9 usiku katika ghala la kampuni ya Coca Cola iliyopo maeneo ya Mtawala manispaa ya Morogoro.

Shilogile alimtaja mlinzi aliyeuwawa kuwa ni Elisha Simangwa Paulo (45) mkazi wa  Msamvu na kwamba alifariki dunia papo hapo baada ya kupigwa na kukatwakatwa kwa mapanga sehemu mbalimbali a mwili wake huku mlinzi mwenzake Otto Oscal Chakala(45) mkazi wa Chamwino kujeruhiwa vibaya sehemu ya kichwani na amelazwa katika hospitali ya mkoa wa Morogoro akipatiwa matibabu.

Kamanda huyo alisema kuwa majambazi hao waliwavamia walinzi hao wakiwa lindoni kwa nia ya kutaka kuiba fedha za kampuni hiyo ya Coca Cola lakini baada ya kurupushani baina yao na walinzi na kusababisha kifo na majeruhi walitoroka  kwa kuruka ukuta huku  jambazi mmoja ambaye anashikiliwa na polisi inadaiwa alipigwa na risasi na mmoja wa walinzi sehemu ya mguuni wakati wa kurupushani hiyo.

Aidha alisema kuwa polisi ilipata taalifa kutoka kwa raiya mwema kuwa  mmoja wa majambazi aliyejeruhiwa natafuta usafiri kwa nia ya kutoroka,ndipo walipomkamata eneo la msamvu huku akiwa na silaha  aina ya short Gun MV 65552 ambayo walitoroka nayo kwa kumnyang’anya mlinzi.

Kamanda Shilogile alisema kuwa jambazi huyo pia alikutwa na mapanga matatu pamoja na nyundo huku Pipiki yenye namba za usajili T 169 BXM aina ya SanlG ikikamatwa kutokana na kutumika katika  tukio hilo na kwamba hakuna mali iliyoporwa katika kampuni hiyo ya Coca Cola.

Pia kamanda Shilogile alisema kuwa  mmoja wa majambazi hao anayeshikiliwa na jeshi la polisi awali alikuwa mlinzi wa kampuni ya Omega na alifukuzwa ,na aliwahi kufanya tukio la ujambazi katika kampuni ya Coca cola na kwamba kwasasa ana kesi mahakamani .

Shilogile amewataka wananchi kuendelea kutoa ushirikiano na kutoa taarifa pale wanapokuwa na mashaka juu ya watu ambao hawaeleweki katika maeneo yao,na kumpongeza mwananchi aliyefanikisha kukamatwa kwa baadhi ya  majambazi hao na kwamba msako mkali unaendelea kwa ajli ya kuwapata majambazi walitoroka.

Mama mzazi wa marehemu Elisha  Imanga,Roida Simanga akizungunza na waandishi wa habari mjini hapa kwa huzuni alisema kuwa amesikitishwa na tukio la kuuwawa kwa mwanae akiwa kazini na kuitaka serikali kuchukua sheria kali dhidi ya watu wnaofanya uhalifu.

“Naomba serikali na polisi kufanya kila njia kuwakamata na kuwachukulia hatua za kisheria majambazi waliohusika na haya mauaji ya mwanangu,hapa nasubili uchunguzi na kuruhusiwa na polisi ili nichukue mwili na kusafirisha kwenda Njombe kwa ajili ya kuzika,”alisema mama huyo

Mwisho..