BALOZI WA AMANI NCHINI RISASI MWAULANGA ALIA NA WAUZA MENO YA TEMBO

 Balozi wa amani Nchini Risasi Mwaulanga akiwa na familia yake langoni mwa hifadhi ya Taifa ya Mikumi wakati wa Ziara yake katika hifadhi hiyo.

 Moja ya nyumba za kumbukumbu za rasilimali za wanyama katika hifadhi ya Mikumi Morogoro.

 Pundamilia ni muongoni mwa wanyama walioko katika hifadhi ya Mikumi kama wanavyoonekana wakiwa katika harakati ya kujitafutia riziki.

 Mwaulanga akiwa na  familia yake katika hifadhi ya Mikumi wakati wa ziara yake.

 Balosi Mwaulanga akiwa na kaimu muhifadhi mkuu wa hifadhi ya Mikumi Dattomax Selanyika ofinini kwa muhifadhi huyo.

 Kundi la twiga waliokuwa katika hifadhi hiyo

 Twiga akiwa katika malisho yake, mnyama huyo hupendelea kula majani ya juu kutokana na maumbile yake kama anavyoonekana.

 Risasi Mwaulanga akiwa katika moja ya mahojiano na waandishi wa habari katika ziara yake Mikumi.

Swala wakia katika malisho yao katika hifadhi ya Mikumi mkoani Morogoro.


Kwa habari zaidi soma hapa,

BALOZI wa amani nchini,  Risasi Mwaulanga  amezishauri kampuni zote za Umma zinazotumia nembo za wanyama na rasilimali nyingine za taifa  kuwa na wajibu  katika suala zima la ukuaji  katika sekta ya utalii Nchini.

Balozi huyo alisema hayo juzi wakati alipofanya ziara ya kuhamasisha utalii wa ndani katika hifadhi ya Taifa ta Mikumi iliopo wilyani Kilosa mkoani Morogoro.

Alisema kuwa yapo makampuni mengi yanayotumia nembo za wanyama  huku akitolea mfao kama Twiga na Tembo na kwamba makampuni hayo yangeweza kuwa jukumu la kuhakikisha  wanatumia fulsa hiyo kuwatangaza wanyama hao kwaajili ya kukuza utalii.

‘’ Kwa mfano Benk ya CRDB wamekuwa wakifanya matamasha mengi kuhamasisha biashara zao, lakini wanayo huduma ya tembo kadi hivyo wangeweza kutumia fulsa hiyo kufika katika mbuga za wanyama kama Mikumi na kufanya matamasha kama hayo kwa kumwagalia mnyama huyo porini hiyo ingesaidia kukuza utalii wetu wa ndani’’ Alisema

Alisema badala ya sherehe za familia na zinginezo kuzifanyia mijini kila wakati wangeweza kutumia muda wao na familia zao kufika katika hifadhi za wanyama kwaajili ya kufanya utalii wa ndani.

Hata hivyo alisema vita dhidi ya ujangili ingeweza kusaidiawa na makampuni kama hayo kwa kutoa motisha kwa rai wema wanaotoa taarifa dhidi ya majangili badala ya kuiachia wizara husika peke yake huku nao wakinufaika na nembo ya mnyama huyo.

‘’ Vita dhidi ya majangili ni jukumu la kila Mtanzania kuhakikisha anapiga kelele kutokomeza, haipendezi vizazi vijavyo vikute mapori na kuhadihthiwa kuwa hapa kulikuwa na wanyama na badala yake waendelee kuwepo kama ambavyo babu zetu waliweza kuwahifadhi’’ Alisema 

Kwa upande mwingine aliwataka Watanzania kujenga tabia ya kutumia muda wao wa mapumziko kutembelea hifadhi za taifa kwaajili ya kufanya utalii wa ndani badala ya kuona wanyama katika TV na kumbukumbu mbalimbali.

Kwa upande wake kaimu muhifadhi mkuu wa hifadhi ya Mikumi Datomax Selanyika alisema idadi ya watalii wa ndani katika hifadhi hiyo ni ndogo ukilinganisha na watalii wan je.

Alisema kwa kipindi cha mwaka mmoja watalii wanaotembelea hifadhi hiyo ni 55,000 hadi 60,000 ambapo kati ya hao watalii wa ndani ni 19,000 hadi 20,000 tu.

Alisema kuwa mbuga ya Mikumi ni mbuga iliojirani na inafikika kwa urahisi ukilinganisha na mbunga nyingine na kwamba watanzania wangeweza kuwa wengi zaidi katika suala zima la utalii.