MFUKO WA PENSHENI WA LAPF WATOA FAO LA UZAZI KWA WANACHAMA ZAIDI YA 3000

 Abubakhar Nduwate meneja wa mafao wa Mfuko wa LAPF akiongea na waandishi wa habari juu ya baadhi ya mifuko ya Pensheni wanavyofanya hujuma kurubuni wafanyakazi wapya kwa kuwadanganya aina za mafao ambayo hawatoi katika mifuko yao na hivyo kusababisha wafanyakazi hao kujutia  badae, fao moja wapo ni la Uzazi.

 Magambo Fotnatus angalizi mkuu wa fedha katika mfuko wa pensheni wa LAPF akiongelea jinsi mfuko huo ulivyojiimarisha katika miradi yake kwa lengo la kuboresha mafao kwa wanachama wake

 Baadhi ya waandishi wa habari wa mkoa wa Morogoro  waliohudhuria mkutano huo wa waandishi wa habari na viongozi wakuu wa mfuko huo

Waandishi wa habari wa mkoa wa Morogoro wakiwa katika mkutano huo

habari kamili soma hapo chini.

JUMLA ya wanachama 3,252 wamenufaika na fao la uzazi kupitia mfuko wa pensheni wa LAPF ambapo kiasi cha shilingi 2,271, 756,1017.72 zililipwa na mfuko huo kwa kiwango cha asilimia 129 ya mshahara  katika kipindi cha miaka 3.

Hayo yalisema jana na meneja wa mafao wa mfuko huo Abubakar Nduwate wakati akiongea na waandishi wa habari katika ofisi ya mfuko huo ilipo steni kuu ya mabasi ya Msamvu.

Alisema kuwa Fao hilo ni muhimu sana kwa wafanyakazi kwani katika kipindi  hicho mwanachama anakua na mahitaji muhimu hivyo hupata nafuu.

Hata hivyo alisema kuwa wanatarajia kuanzisha fao la elimu na mikopo ya SACCOS kwa wanachama wake  ifikapo mwezi Julai mwaka huu.

Meneja huyo aliwataka waajiri kuwapa fulsa ya kutoa elimu kwa wafanyakazi  hususani walimu wanaotarajiwa kuajiriwa hivi karibuni ili wachague mfuko wanaotaka kutokana na mafao watakayoona ni bora kwao.

‘’ ipo baadhi ya mifuko ambayo imekuwa ikiwarubuni wafanyakazi wanaoajiriwa sasa hivi kuwa wanatoa mafao ya uzazi lakini kumbe fao hilo halipo jambo ambalo linawafanya kuingia katika mifuko na badae kujutia’’ Alisema

Alisema  wamepata taarifa juu ya baadhi ya watu wenye nia ya kuhujumu mifuko mingine ambao wamejipanga kwaajili ya kuuliza masawali ya kubomoa mifuko mingine ambao sio walimu , katika kipindi hicho cha ajira mpya za walimu.

Alisema kuwa mfuko huo kamwe hautotumia njia za mitandao ya simu kuwasajiri wanachama na badala yake ni lazima wawapatie elimu kabla ya kuwasajiri ili waweze kuingia wakati wakiujua vizuri mfuko huo na kwamba wanazo ofisi kila mkoa hapa nchini ambazo zitafanya shughuli hizo na kutoa vitambulisho papo hapo.

Naye Magambo Fotnatus ambaye ni mwangalizi mkuu wa fedha wa mfuko huo alisema LAPF imejipanga vizuri katika kuhakikisha miradi yake inakuwa imara kwa lengo la kuboresha mafao ya wanachama wake.