BULEMBO ALIA NA WANAOTENGENEZA MARAIS KABLA YA MUDA, ASEMA WATASHUGHULIKIWA

 Mwenyekiti wa jumuiya ya wazazi taifa Abdalla Bulembo akizindua Website ya jumuiya hiyo Mkoa wa Morogoro.

 Hiyo ndio muonekano wa website hiyo baada ya kuzindulika jana.

 Bulembo akisalimiana na  wajumbe wa baraza la wazazi mkoa wa Morogoro mara baada ya kuwasili katika hotel ya Nashera jana ambapo baraza hilo lilifanyika.

Viongozi wa jumuiya ya wazazi wakiwa katika picha ya pamoja eneo la Tungi wakisubiri kumpokea mwenyekiti wa Taifa wa Jumuiya hiyo.

Habari zaidi soma hapa.

MWEMYEKITI wa Jumuiya ya Wazazi Taifa Abdallah Bulembo amewaonya viongozi  wa jumuiya hiyo  kuacha tabia ya kujihusisha na utengenezaji wa makundi ya Urais,Wabunge na madiwani ndani ya chama hicho  muda wa kampeni haujafika.

Alisema  kwani kufanya hivyo kunasababisha kuwepo na mpasuko na hivyo kushindwa  kutekelezaji  ilani ya chama hicho.

Bulembo alitoa onyo hilo jana wakati akifungua mkutano mkuu wa baraza la wazazi Mkoani hapa ambapo alisema kuwa chama hicho hakina makundi na kwamba kundi lao ni moja ambalo kiongozi wake Rais Jakaya Kikwete.

Bulembo alisema chama hicho kina utaratibu wa kuwapata viongozi wake kwa vikao na kwamba kiongozi anayetakiwa kuungwa mkono ni Yule atakayechaguliwa na CCM muda na wakati ukifika.

‘’ Mwanachama au kiongozi yeyote atakayebainika kufanya hivyo hatutasita kumchukulia hatua’’ Alisema.

Hivyo aliwataka viongozi hao kutekeleza majukumu yao ya kuboresha jumuiya ya wazazi kuanzia ngazi ya chini ikiwa ni pamoja na kuwajibika katika kufanya kazi na kuacha kuwakatisha tamaa viongozi ambao bado wako madarakani.

Akizungumzia suala la katiba mwenyekiti huyo alisema kuwa msimamo wa chama chake ni kuwa na serikali mbili ambazo zilikuwepo kwa miaka 50 na kwamba zimedumu ndani ya muungano.

Hata hivyo alisema kuwa suala la muugano ni la watanzania wote hivyo ni wajibu wa kila mtanzania kuudumisha ikiwa ni pamoja na  kufanya marekebisho ya changamoto zilizopo ambapo alisema kuwa ndani ya miaka 50 kumekuwepo na marekebisho mengi ambayo yamefsnyika.

Hivyo aliwataka watanzania kuendelea kuutetea na kuulinda muungano huo mpaka mwisho.

Kwa upande wake katibu wa wazazi Mkoa wa Morogoro Shaweji Mkumbula alisema kuwa jumuiya hiyo inakabiliwa na changamoto ambazo jumuia hiyo inaendelea kuzifanyia kazi .

Alizitaja changamoto hizo kuwa ni kutofanyika kwa vikao katika ngazi ya chini kwa mujibu wa kanuni ikiwa ni pamoja na ukosefu wa vitendea kazi kama kadi kanuni DCR pamoja na usafiri kwenye baadhi ya maeneo ya Wilaya.

Nyingine ni Viongozi ngazi ya kata na matawi kushindwa kuhamasisha wanachama kulipa ada zao kwa kuzingatia maelekezo ya kanuni.

Ufunguzi wa mkutano huo ulienda sambamba na uzinduzi wa tovuti ya jumuiya hiyo pamoja na ugawaji zawadi kwa Wilaya zilikamilisha ujenzi wa Ofisi ya wazazi ambapo Wilaya ya Morogoro iliibuka mshindi na hivyo  kujishindia  kombe pamoja na zawadi ya sh.laki 3